Tradicionalmente estas
pequenas zonas húmidas eran consideradas como lugares insalubres polo que foron
sistematicamente desecadas. Actualmente sabemos que son xustamente o contrario,
trátase de auténticas depuradoras naturais. As raíces das plantas acuáticas
absorben o exceso de materia orgánica e substancias contaminantes e inxectan oxíxeno
na auga, polo que, do mesmo xeito que os nosos riles limpan as toxinas do noso
organismo, estas zonas húmidas son imprescindibles para garantir a salubridade
das augas. Así pois, non debemos esquecer que o subministro de auga, tamén para
o consumo humano, depende dos nosos montes.
Na actualidade estes espazos naturais, independentemente do
seu tamaño, considéranse merecedores dunha especial protección polos seus
valores naturais e polos bens e servizos que nos proporcionan. Resulta complexo
e custoso recuperar as zonas húmidas perdidas, pero podemos comprometernos na
conservación daqueles que aínda podemos gozar.
Esta capacidade das plantas acuáticas para purificar as augas estase
aproveitando para a depuración de augas residuais. Este sistema basease na
utilización de plantas acuáticas da familia das macrofitas (espadanas, xuncas, espadanas
amarelas ou platanarias), que de forma natural atópanse enraizadas no terreo,
pero que aquí se transforman artificialmente en flotantes para conseguir un
maior crecemento e expansión das súas raíces aumentando a súa capacidade de
absorción.
Nos Filtros de Macrófitas en Flotación (FMF), as plantas forman un
tapiz de raíces que ocupa toda a balsa, forzando a que toda a auga circule por
esta esponxa de raíces.
Grazas ao osíxeno que inxectan as follas das propias plantas, as raíces
crean ao seu redor un ambiente osixenado que favorece a unión de bacterias
microbianas. Estas son as que absorben e se nutren das cargas contaminantes e
da materia orgánica, devolvendo a auga limpa ao medio.
Este sistema de depuración empezouse a desenvolver en países coma
Holanda no que na actualidade existen urbanizacións residenciais nos que os
terreos circundantes son a vez parque para o lecer e depuradora de augas. Máis
preto nosa existen exemplos industriais coma no aeroporto de Madrid ou máis
parecidos aos das nosas casas coma no Centro de Educación Ambiental As
Corcerizas en Ourense.
Entre as vantaxes que ten o sistema podemos destacar:
- Garante unha depuración eficaz.
- Ten un custe de mantemento baixísimo.
- É moi económico.
- Non produce emisións de dióxido de
carbono e respecta o Medio Ambiente.